Argazkiak jasotzen jarraitzen dugu:
Izenburua: Loreak.
Arroza eta loreak zergatik hazi ote ditudan galdetzen didazu?
Arroza bizitzeko hazten dut, eta loreak bizitzeko arrazoi bat izateko.
Konfuzio (551 – 479 k.a.)
Izenburua: Barazkiak Eguzkitan.
Izenburua: Txorimaloa.
Poliki-poliki apainketa kolektiboan parte hartzeko argazkiak ailegatzen ari zaizkigu. Hona hemen, bertze 3 argazki:
Izenburua: Telebistarik onena, naturan dagoena.
Izenburua: Hitz, baina egin
Izenburua: Behin atea irekita, bueltarik ez
Apainketa kolektiboko oinarriak: http://bidazi.org/apainketa-kolektiboa/
Gaiari buruzko informazio gehiago: http://bidazi.org/kontsumo-kontziente-eta-transformatzailea/
Zozketatuko den saskia, bazkideen laguntzaz betetzen doa, eta momentuz honako gauzek osatzen dute:
– Arroltze dozena bat
– Xaboi 1 eta krema 1
– 5 litroko oliba olio botila
– 2Kg espiral txuri
– 3Kg makarraoi txuri
– 2Kg arroz borobil integrala
– 2Kg arroz luze integrala
– 1Kg olo malutak
– 3Kg dilista
– 3Kg garbantzu
– 2Kg azuki
– 0,5Kg mahats-pasa
– Mermelada
– Ilar gorriak
– Haragi lote bat
– Porruak
– Sagar zukua
– Arto irina
Parte hartu!
Bidaziko Azoka apainduz, irabazi saski bat!
Nola?: Argazki edo marrazkiak igorriz
2014ko hasiera honetan, Bidazi elkarteak, Bidasoaldeko Azoka ekologikoa irekiko duela eta, jendearen laguntza eskatzea erabaki dugu hau apaintzeko asmoz. Horregatik, bidaltzen dizkiguzuen argazki eta marrazkien artean Bidaziko bazkideek aukeratuko dituzte euren lokala apainduko duten irudiak (Bidazi proiektuaren inguruko informazio gehiagorako, gure web orria bisita dezakezue: www.bidazi.org)
– Parte hartzaileak: Bidasoaldea (Gipuzkoa, Lapurdi eta Nafarroa) eta bere inguru naturaleko herritar eta taldeak.
– Gaia: Kontsumo kontziente eta transformatzailea (Informazio gehiagorako: http://bidazi.org/kontsumo-kontziente-eta-transformatzailea/)
– Parte hartzeko baldintzak:
– Irudiak aurkezteko epea eta modua: Irudiak e-mail bidez bidali beharko dira info@bidazi.org-era, 2014ko otsailaren 15a baino lehen.
– Epaimahaia: Otsailaren 15etik 23a bitarte, Bidaziko bazkideek bozkatuko dituzte, 3 aukeratuz, www.bidazi.org web orriaren bidez.
– Saria: Bertako produktuez osatutako saski eder bat zozketatuko da parte hartzaile guztien artean. Saski hau olio, zereal, pasta, lekale, arrautza, mermelada, xaboi etabarrez egonen da osatua.
Zozketaren irabazlearen izena otsailaren 24ko astean jakinarizako da www.bidazi.org-en. Hortaz gain, argazki edo marrazki bozkatuenak Bidaziko Azoka apaintzeko erabiliko dira, eta bertan egonen dira ikusgai 2014. urtean.
– Onespena: Apainketa parte hartzailean irudiak bidaltzen dituenak oso-osorik onartzen ditu oinarri hauek.
Kontsumo arduratsuak, etika, ingurunearen babesa eta giza eskubideak bermatzen dituen produktu eta zerbitzuak kontsumitzean datza. Kontsumitzen dugunean, produktu edo zerbitzu hori ahalbidetzen duten prozesu guztietan parte hartzen ari gara: kontsumo arduratsuak, honek izan dezakeen eragina baloratzea dakar.
Kontsumo kontziente eta transformatzailea aldiz, kontsumitze ekintza baino haratago doa; osasunari, erlazioei, denborari, koherentziari, duintasunari, balioei, bizitzeko moduari buruz hitz egiten digu.
Kontsumo mota hau, pozik eta koherenteago bizitzen laguntzen diguten kontsumitzeko beste modu batzuk ikertzeko gogotik dator. Honek ongi sentiarazten gaitu.
Baina, kontsumoaren eraginez mundua alda dezakegu? Hau erantzutea zaila da, beraz, helmugara begira jarri beharrean, bidean kontzentra gaitezen. Garrantzitsuena ez da mundua transformatzea kontsumoaren eraginez, baizik eta kontsumoak gure bizitzak, auzoak eta herriak transformatzen ez jarraitzea da.
Erran genizuen bezala, batzar orokorra antolatzeko eguna ailegatu da! Hainbat puntu lantzen egon gara azkeneko hilabeteetan, eta azkenik baditugu proposamen batzuk bazkide guztion artean eztabaidatzeko. Alde batetik, Azokarako aproposa iruditzen zaigun lokala aurkeztuko dizuegu. Antolatuko ditugun komisio edo lan taldeen inguruan ere solastuko dugu, denon artean talde hauek betetzen joateko. Bertzalde, lokala montatzeko egonen den lanari aurre egiteko, auzolanerako deialdia ere luzatuko dizuegu. Bertze hainbat puntu landuko ditugu baita.
Batzar orokorra:
– Eguna: Azaroaren 15a
– Ordua: 19:00
– Lekua: Cederna-Garalurko bilera gela, Alkaiaga poligonoan (Lesakako lurretan egon arren Berako herritik oso hurbil dago): https://maps.google.es/maps?q=
– Eguneko gaien ordena:
Behin lokalarena argituta, hilabeteroko kuota ordaintzen hasiko gara, beraz bazkideek bazkide zenbakia eta kontu korrontearen zenbakia eraman behar dugu, faborez, garrantzitsua da.
Zalantzaren bat izanez gero, idatzi lasai!
